• GR8 GROUP

Mixologia na e nivel di mas halto durante e di 5 edicion di Bartenders’ Brawl 2019


Fin di siman ultimo a tuma lugar e di 5 edicion di Bartenders’ Brawl, esaki den combinacion cu ATA su ‘Eat Local Month’. Renaissance Aruba Resort & Casino tabata anfitrion di e evento originalmente di Island Temptations riba e Festival Plaza di Renaissance Marketplace. E evento a conta cu presentacion di 8 bartender top di Aruba impresionando un publico grandisimo cu nan cocktailnan signatura durante di un evento sold out!

Aruba su distribuidornan local tabata colaboradornan esencial pa haci e evento aki posibel- dor di provee tur e likeur y ingredientenan necesario pa produci e mesclanan excitante pa tur presente durante di e evento. E team culinario di Renaissance Aruba a percura pa tur guest a ricibi bites(nan) super delicioso variando di roast-beef sliders pa mini vegetarian tacos te na BBQ glazed beef ribs- tur esaki mientras DJ Jason tabata entreteniendo publico cu musica upbeat y retro durante di e evento super chique.

E aña aki e People’s Choice cocktail a keda selecta dor di inlfuencernan internacional for di USA Nathalie Migliarini, y Kimberly King hunto cu Enrique Balestrini, di Aruba. Un panel di hurado profesional consistiendo di Chef y propietario Urvin Croes, White Modern Cuisine, General Manager, Divi Resorts, Ferry Zievinger, y director di EPB su programa culinario, Orlin Geerman a selecta e Judge’s Choice.

Esun cu a ricibi mas punto i a gana e Influencers’ Award ta e Elephant in the Room crea dor di Carlos Perez, bartender di Azia Restaurant, representando Pepia Est. Un cocktail elabora cu entre otro juice di Aloe i siroop di Cardamom. Nathan Schwengle di Apotheek, representando Aruba Trading Company a sali na di dos lugar den e categoria aki. Na di tres lugar a resulta Emilia Lopez Henriquez, di Ritz Carlton Casa Nonna restaurant, representando Divino NV.. Emilia a elabora su cocktail Bumxotic cu Madam Janette Pica di Papaya.

E favorito di e huradonan profecional a resulta Nathan Schwengle di Apotheek cu su Jaimaican Sprints., un cocktail elabora cu rum, y e ingrediente local stropi di Calbas. E huradonan a keda encanta y a comenta e nivel di dificultad cu tabata tin mester pa crea un balansa perfecto entre e smaak di e rum y e conocido remedi Arubano. Na di dos lugar a keda e Tropical Guava & Berry di Merly Cardenas, Renaissance Blue Bar, representando Tropical Bottling Aruba. Finalmente e di tres lugar a bay pa Carlos Perez, di Azia Restaurant, representando Pepia Est.

Otro cocktailnan cu a hala atencion durante di anochi ta e Magnolia traha cu tequila Don Valente dor di Michael Gomez, di Apotheek, representando J&G Trading. Tambe, e Ginger di Danny Kock, di Moomba Beach Bar representando Tropical Bottling. E Caribbean Heat, di John Fredwill Vivas di Craft, representando La Cava tambe a cay na smaak. E Patia La Mia, di Janice Martinus, di Hoya Lush cafe, representando Manrique Capriles tambe a duna competencia.

E anochi a resulta den uno espectacular y cu a conta cu cobertura internacional. Por haci mencion di Keith Langston di Passport Magazine, Allison Tibaldi di CNN Travel , Davina Sutton di www.coffeewithamerica.com, Jen Smith di DailyMail.com, Morgan Mandriota di Betches, Rebecca Michelle Glasser-Baker di www.metro.us y representantenan di Zeno, Mila Ortiz y Casey Hamilton. Pa mas foto por bishita www.renarubaevents.com

#RenaissanceAruba #Clients #Events #News

© 2017 GR8 PR & Marketing (GPRM). All Rights Reserved.

Disclaimer: GR8 Group PR & Marketing may revise this website any time without prior notice. We are not obliged to update continuously.

Materials appearing on this website may vary from service throughout the years of the agency existence. Logos included are from past and present clients.