Recientemente TripAdvisor a reconoce LG Smith’s Steak & Chop House (LGS) como e miho steakhouse na Aruba ubicando LGS na #1 for di un Top 15. Ademas, LGS a keda posiciona na #4 for di 46 otro restaurant den categoria di ‘fine dining’ y #8 den e categoria ‘fine dining in the Caribbean’. Tur e parentesisnan aki ta haci LG Smith’s Steak & Chop House (LGS) un restaurant di primera calidad. Ademas ta e unico restaurant na unda bo por disfruta di un steak Wagyu autentico for di region Kobe na Hapon. Pa corona esaki, e servicio ta impekabel den un ambiente cu ta forma e fusion perfecto entre clasico y un actitud contemporaneo. “Tur cos ta mindset’, asina Heidi Michiels, restaurant manager di LGS a comenta.
Den e restaurant tin un mural cu ta figura un ‘cara artistico’ cu e tema: “Attitude is Everything”. Esey ta exactamente loke personal di LG Smith’s Steak & Chop House (LGS) ta scoge tur dia, e actitud y mentalidad corecto. Heidi Michiels ta splica di ta masha honra cu e reconocemento di TripAdvisor. “E ta un recompensa despues di nos dedicacion y trabou duro di hopi aña. Semper nos meta tabata di bira #1 na Aruba. Nos a logr’e. Mi ta kere fervientemente cu mester tin pasion y consistencia den loke bo ta haci.” Loke ta haci LG Smith’s Steak & Chop House (LGS) asina unico, di acuerdo cu tur e comentarionan di guestnan riba TripAdvisor, ta e servicio y e calidad halto di cuminda. Algo sigur remarcabel na LG Smith’s Steak & Chop House (LGS) ta e ‘butcher table’ cu nan trece na bo mesa y riba dje e steaknan suculento pa e cliente scoge for di dje.
LG Smith’s Steak & Chop House (LGS)ta conoci pa productonan di calidad hopi halto y un personal den cushina cu sa con pa perfectamente ofrece tur cliente un experiencia culinario cu ta unico. E homber tras di e steak signatura di LGS ta Chef Sebastian Cechet di Uruguay. Asina por menciona tambe cu por ehempel LGS ta e unico restaurant na Aruba pa ofrece e popular steak Hapones, ‘Kobe beef’. Wagyu ta un baca Hapones cu ta wordo cria den un cierto region na Hapon segun un standard culinario halto, e region yama Kobe. Tur diabierna anochi LGS tin e popular Haikobe Night na unda clientenan por realmente disfruta di e miho steak na e miho prijs. Ta complementa e suculento carni Kobe cu biñanan exclusivo cu bo por pidi na boter of den glas. Scoge for di aperitivonan manera e tartar tradicional, prepara cu Kobe Beef Tenderloin of purba e ‘Tataki’ consistiendo di Kobe Beef Tenderloin pasa na candela y presenta den slice ‘fini’. Ademas, bo por dicidi den ki termino bo plato principal ta wordo sirbi. Proveedor di LGS na Merca a indica cu restaurantnan Mericano ta ofrece e un ons di Kobe Steak pa $25, mientras cu LGS ta ofrece esaki na Aruba pa unicamente $15. Ta un gran diferencia.
LGS –ta conoci pa su certificacion USDA, su ‘aged-prime steaks’ y varios otro specialidatnan cu ta inclui e famoso ‘rack of lamb’ y nan seafood fresco cumpra na Aruba mes. No por lubida bebida y cocktailnan signatura traha pa bartendernan top na Aruba cu ta conoci cu e trend(nan) di mas moderno den mixologia. Despues di e orarionan di dinner, e ambiente ta continua te cu 6or di mainta ofreciendo un menu selecta na The Midnight Lounge cual ta un extension di LGS cu bista riba Wind Creek Crystal Casino.