Siman pasá Renaissance Wind Creek Curaçao Resort tabata anfitrion di un klínika spesial pa nan muchanan durante Curaçao Baseball Week 2024. Pa henter e tim di Renaissance Wind Creek Curaçao tabata un orguyo pa kolaborá durante di un evento asina importante. Beisbòl na Kòrsou no ta simplemente un deporte sino un fuente di inspirashon pa hubentut. Kòrsou tin su propio héroenan i esaki ta hasi, ku praktiká e deporte riba un nivel profeshonal ta un soño na alkanse di tur hóben ku ta dispuesto na traha duru pe. Renaissance Wind Creek Curaçao ta felisitá tur entrenadó i hungadó YDK den MLB ku a inspirá e muchanan di Wind Creek Curaçao Resort durante di e klínika. Ta sigur ku mayornan/ koleganan i nan yunan a pasa ratunan ameno. Pa hopi di nan, tabata un soño realisá.