top of page

Re-apertura di Starbucks na Renaissance Mall


E kompromiso di Starbucks ku komunidat di Kòrsou ta keda konfirmá awe un bes mas ku e re-apertura di nan establesimentu renobá na Renaissance Mall. Nos komunidat a hasi Starbucks nan ‘hangout’ faborito pa bebe kòfi, kòmbersá, sosialisá, studia òf traha. Enfoká riba diversidat di nos hendenan, protehando nos planeta i dushi kòfi, e establesimentu renobá di Starbucks ta sigui kumpli ku e pilarnan di e kompania miéntras ta realsá e eksperensia di ‘bebe kòfi’ riba nos isla.


Starbucks na Renaissance Mall a bin ta sirbi komunidat di Kòrsou i bishitantenan for di eksterior ku hopi amor. Awe, Starbucks ta revelá su diseño nobo i aktualisá ku teknologia elevá di akuerdo ku e servisio ku ta wòrdu brindá. Starbucks su deseo máksimo ta pa tur hende sinti nan mes na kas i den esaki hasi Starbucks na Renaissance Mall un sitio inklusivo i kaluroso.


Di akuerdo ku Wanda Broeksema, Direktor di Starbucks Aruba i Kòrsou, “nos ta purba na hasi tur dia unu kontentu, ya ku tur momentu ta importante! Nos ta deseá pa klientenan sinti nan mes bon bini serka nos, i den esaki ta ofresé un eksperensia total. Kada kòpi di kòfi ta un biahe personal, un momentu pa laga bo sinti bon.” E re-apertura di Starbucks na Renaissance Mall a keda selebrá ku un ‘tasting’ spesial pa prensa, un grupo selektá di invitado i kliente.


Sostenibilidat ta sentral den loke nos ta representá na Starbucks. Den transkurso di aña, ku ayudo di nos partner-, kliente- i ekspertonan den industria, nos a bin ta buska e maneranan pa yuda protehá nos planeta, inkluyendo e manera kon nos ta planta nos kòfi desaroyando e asina yamá, ‘Greener Store Framework’. Hasiendo invershonnan den energia renovabel i uso di kòpinan re-usabel. E proyekto “Grounds For Your Garden” ta un bon ehèmpel di e manera kon nos partner- i klientenan ta kontribuí na sostenibilidat, un ‘win-win’ pa tantu Starbucks i nos klientenan. Nos vishon ta pa resiklá i redusí desperdisio den nos establesimentunan mas tantu ku ta posibel. “Esaki ta un di e maneranan pa alkansá nos ophetivo miéntras ku na mes momentu ta proveé algu bèk na nos klientenan”, asina Broeksema a komentá. Starbucks Renaissance Mall ta habri tur dia di 6.30am- 10pm. Pa mas informashon por bishitá starbucks.com òf www.facebook.com/starbuckscuracao.

Comentários


bottom of page