Kooyman ta masha orguyoso di anunsiá su kompromiso ku sostenibilidat mediante e inisiativa ‘Go Green’. Ku servisio na kliente sentral, produktonan di kalidat haltu i kresementu ‘smart’, Kooyman tin e meta pa di un manera positivo krea impakto riba e kalidat di bida di su klientenan i e komunidat(nan) ku e ta sirbi.
Kooyman su inisiativa ‘Go Green’ ta representá un paso signifikante den direkshon di un futuro mas sostenibel den Karibe. Dor di transformá desperdisio di plèstik i kombertí esaki den produktonan ‘eco-friendly’ respetando medioambiente, Kooyman ta habriendo kaminda pa un mañan mas ‘bèrdè’.
Ta importante pa organisashon-, i klientenan tuma e responsabilidat i krea un futuro sostenibel. Lo enkurashá partisipashon di komunidat dor di kompartí testimonionan i proveé kontenido edukativo. Ademas di esaki, Kooyman ta demostrá su kompromiso na sostenibilidat ku inisiativanan interno tambe- pues, di paden bin pafó. E hashtag #itstartswithus ta bisa netamente esei; e inisiativa ta kuminsá na e propio staf i personal di Kooyman. T’e máksimo intenshon pa krea un punto di referensia nobo pa sostenibilidat riba nos isla i den tur e merkadonan den kual Kooyman ta operá.
Ofresiendo solushonnan tangibel pa un estilo di bida mas ‘bèrdè’, Kooyman ta komprometé na konsientisá nos komunidat i pone un standart nobo na sostenibilidat. E ophetivo primario di e inisiativa ‘Go Green’ ta e.o pa kolaborá ku diferente organisashon i ‘stakeholder’. Fuse Caribbean, partner di Kooyman, resientemente a gana e CITI Curaçao Innovation Award 2023. Esaki ta un gran logro pa e inisiativa ‘Go Green’. Ta huntu nos por yega na solushonnan práktiko i faktibel ku ta kontribuí na un estilo di bida bèrdè i hasi esaki aksesibel na tur hende.
Pa mas informashon tokante Kooyman su inisiativa ‘Go Green’ i su kompromiso na sostenibilidat, bishitá www.kooymanbv.com/gogreen òf sigui nos riba Instagram @TogetherWeGoGreen.
