Customers can now order and pay for their favorite KFC meal at the digital kiosk. It's a self-service feature. In other parts of the world, the fast food chain already works with a smart kiosk, but on Curacao it is the first! Ordering via the smart kiosk is only possible with a bank card or credit card, and no longer with cash.
KFC ta introdusí su promé ‘Smart Kiosk’
WILLEMSTAD- KFC Kòrsou no ta un deskonosí pa teknologia; digitalisashon ta mas serka di loke nos ta pensa. Na 2020 a implementá ‘pedido online’ via di nan website, whatsapp i facebook messenger, huntu ku esaki tambe entrega te na kas. KFC t’un pionero di inovashon den industria fastfood na Kòrsou. Resientemente, nan a bolbe inová ku e promé ‘Smart Kiosk’ na Kòrsou! Ku un grupo chikitu di invitado i miembronan di prensa, KFC a hasi introdukshon kombiná ku un demostrashon di su promé ‘Smart Kiosk’. E kiosko inteligente ta hasi posibel ku e kliente por pidi i paga estilo ‘selfservice’.
E sistema ‘smart’ aki ta ampliamente konosí na otro partinan di mundu, sinembargo esaki ta e promé pa henter Karibe Hulandes! Di akuerdo ku Carlos van Grieken di Kenfood Trading N.V, “Esaki ta un novum pa Kòrsou i islanan den Karibe, nos ta sumamente kontentu di por ofresé e eksperensia aki na klientenan di KFC. Nan por hasi nan pedido fásil i lihé.” E promé kiosko inteligente ta stashoná parti paden na KFC Sta. Rosa. E kliente por pidi i paga via di e kiosko usando un tarheta di krédito òf su tarheta bankomátiko di MCB. Riba un pantaya spesial e por mira ora su pedido ta klá. Ora t’asina leu e por pasa na un espasio spesial na e ‘counter’ i tuma su pedido.
Ta importante menshoná ku e ‘smart kiosk’ ta den funshon kaba. Ounke e ta hopi fásil pa traha kuné, lo tin asistensia di KFC durante di e promé dianan. Tambe, maneho di KFC ta hasi un apelashon na tur kliente pa no usa ophetonan skèrpi riba e mashin òf pantaya. KFC lo pèrkurá pa e mashin i pantaya ta kontinuamente limpi, pero ta enkurashá klientenan pa usa hand sanitizer pa limpia man, komo un èkstra prekoushon. Pa mas informashon por bishitá www.kfc.cw òf e página di facebook www.fb.com/kfccuracao .
