top of page

Coyne Research a kondusí estudio riba diferente nivel den merkado di Kòrsou

Kon bo produkto òf marka ta posishoná den merkado? Kiko bo kliente ta gusta mas tantu, i na unda tin mester di mehorashon? Esakinan ta preguntanan ku únikamente un estudio kuantitativo por kontesta. E tim di Coyne Research ta duna hopi kompania rònt mundu e kontestanan aki di manera ku nan por sigui kompetí den merkado.  No keda straño si Abo kahera, resepshonista, òf personal di servisio risibí djis algun pregunta èkstra di un kliente- probablemente ta un ‘mystery shopper’. Òf, si abo usuario di telefòn mobil, wòrdu yamá i ta pidibo kontesta algun pregunta. Esakinan ta métodonan profeshonal pa mehorá servisio, òf produkto di kualke establesimentu. Ademas, ta usa e data pa establesé nivel di servisio di kualke empresa.  

 

Coyne Research, ta establesé na aña 2012 na Irlanda. E ta un agensia renombrá i premiá pa nan investigashon i enkuesta den merkado. Coyne tin un reputashon sólido pa enkuestanan di kalidat haltu i independiente ku ya kaba nan a realisá pa klientenan internashonal, inkluyendo Caribe. Coyne ta dirigí i ta reportá detayadamente komportashon di e konsumidó. E rapòrtnan ta inkluí semper rekomendashon i konosementu (insight). E investigashon ta permití kompanianan hasi desishonnan komersialmente benefisioso. Coyne su tim ta eksperensiá  den estudionan kuantitativo, esaki ta inkluí online, entrevistanan via telefòn, tèstnan di produkto, ‘mystery shopping’ i mas.  Semper ta mantené métodonan moderno ku ta agregá balor genuino na kualke proyekto.  Ademas di esei, ta midi satisfakshon di kliente, tèstnan kreativo, revishon di marka, identidat di marka, posishonamentu di produkto, i aktitut di kliente.

 

Pa Caribe, un estudio Omnibus t’e mihó aserkamentu pa yega na un muestra grandi di konsumidó ku por representá tur nivel di e sosiedat. E muestra total ta representativo na e poblashon nashonal ku un kuota establesí den término di edat, género, nivel sosial i region (bario) di manera ku ta garantisá ku e ta representá e poblashon, por ehèmpel Kòrsou.




Comentarios


bottom of page