top of page

Banco di Caribe ku otro kontribushon na futuro generashon



E kontribushon di Banco di Caribe na futuro generashon ta algu kontinuo; nos hóbennan por konta ku un banko ku ta kere fielmente den nan desaroyo. Ta hasi esaki den lesamentu, deporte, medio ambiente i arte; dunando aporte balioso na edukashon, salú físiko/ mental, i tambe ekspreshon. Ta pa algun aña kaba ku Banco di Caribe ta duna su sosten n’e proyekto  ‘Siman di Ban Lesa’. Lesamentu ta importante pa desaroyo di kada mucha, ta p’esei mes un biaha mas ta uni forsa ku Biblioteka Nashonal Kòrsou (BNK) pa enkurashá nos muchanan. E aña aki a skohe 'Na mi Kas' komo tema di ‘Siman di Ban Lesa’.

 

Banco di Caribe i outornan a bishitá A.E Goilo School

Esaki ta e di sinku edishon i meskos ku añanan anterior BNK a lansa un buki pa elaborá riba e tema 'Na mi Kas', ku por a konta ku kolaborashon di 8 outor di kua 7 ta outor lokal. Durante di e siman, e outornan a presentá na diferente skol pa lesa ku e muchanan i adishonalmente BNK a ofresé diferente aktividat relashoná ku e tema pa siña mucha kulturanan ku ta biba den diferente kas. Riba e imágennan por tuma nota di e bishita di Banco di Caribe i outornan na A.E Goilo School.  

 

Banco di Caribe ta felisitá BNK ku un 'Siman di Ban Lesa' eksitoso i ku sigur a yuda planta e simia den nos muchanan ku lesamentu no ta solamente edukativo pero tambe dibertido. 

Opmerkingen


bottom of page