E festividatnan a kuminsá for di djaweps atardi ora ku a tene un momentu ku invitadonan na unda sr. Roderick Lucia a hiba palabra. “Porfin nos a yega Boneiru!” Entre aplouso i e gritu “Let’s Go” a yama Boneiru danki pa e gran aseptashon. A gradisí APC, CGF i Banco di Caribe pa nan sosten den realisashon di e mega proyekto aki. Ta un plaser di tin MultiMart tambe huntu ku nos. Tur loke klientenan di Boneiru tabata pidi nos a pèrkurá pa trese den fase 1 di e proyekto”. Roderick Lucia a primintí kontratistanan preisnan kompetitivo i produktonan di kalidat. “Tin fase 2 i 3 na kaminda pa Boneiru; nos tei pa keda!.”
For di djabièrnè mainta trempan klientenan a para warda Building Depot habri. Pa 8’or a habri porta ku un ‘kòrtamentu di palu’ simbóliko i bendishon di Pastor. Tabata manera a spera, Boneiru tabatin anhelo pa un Building Depot. Klientenan a drenta na gran kantidat den e establesimentu bunita dekorá ku blasnan gel i kòrá. Empleadonan uniformá sonriendo ta warda nan promé klientenan. “No a spar niun energia; nos ta gradisí koleganan ku a bin ta traha masha duru mes,” asina Store-manager, Wesley Duijzer a komenta. “Un danki tambe na koleganan di Kòrsou pa nan sosten i dedikashon. Nos tabata ke duna Boneiru variashon sin igual.” Djasabra henter dia tabatin músika di Foyan Boyz, JC & Friens i mas, tambe oferta i pa anochi sera e fin di siman ku un tremendo show di vürwèrk.
Building Depot su tim ta konsistí di 30 empleado, gran mayoria boneriano. E edifisio di 4,000 meter kuadrá ku ta almasená mas di 70,000 produkto na Kaya Industria tabata bon bishitá i ta premirá ku esaki lo keda asina! Klientenan kontentu a komentá; e preisnan ta hopi bon, bunita produkto, ta nèt loke Boneiru tin mester. Multimart tambe ta parti di Building Depot; artíkulonan elektro-doméstiko di 220v tambe ta optenibel i ta konta ku servisio tòp! Por yega na balie pa tur pregunta di garantia i mas. E Keukendepot mesora a hala atenshon di kliente. Building Depot ta ofresé tur e markanan renombrá manera Samsung, Whirlpool, LG, Brabantia, Curver, Gardena, Ocean i hopi mas.
Comments