Fun Miles, e programa di spaar y cambia punto mas popular den Caribe a lanza e campaña ‘Stretch bo florin’ specialmente pa Aruba. E mensahe ta simpel; cu Fun Miles bo tin extra capacidad di compra, sigur den e tempo dificil cu nos ta bibando. Tene cuenta cu bo ta spaar Fun Miles gratis y despues bo por cambia bo puntonan pa diferente producto y servicio serca partnernan di Fun Miles. Imaginabo cambia punto pa bai un biahe, yena gasolin, cumpra material di construccion, sinta come na un restaurant y mucho mas. E puntonan cu bo ta spaar cu Fun Miles tin un balor concreto y ta duna e consumidor oportunidad di realmente ‘stretch’ nan florin.
Fun Miles un solucion den tempo caro Programanan di spaar manera Fun Miles, mundialmente a bira mas popular cu nunca. Esaki no ta nada straño mirando cu tur caminda costo di bida a bira mas caro. Aruba por identifica su mes cu esaki. Manera cu nos tur sa, entrante prome di juli 2018 gobierno a introduci e ‘crisisheffing’. Esaki ta encera e.o aumento di impuesto, cu lo percura pa un subida den prijs. Ademas, aumento den prijs di productonan petrolero manera gasolin, tambe tin influencia riba e subida drastico di costo di bida na Aruba. Fun Miles lo duna e consumidor mas espacio, y esey den e temponan aki ta mas cu bon bini.
Hopi beneficio cu Fun Miles Fun Miles ta puntonan cu bo ta spaar gratis ora cu bo cumpra na companianan partner. E puntonan cu bo spaar tin un balor concreto, mescos cu placa. Bo por cambia nan pa producto y servicionan gratis serca e companianan afilia na Fun Miles, manera Bruna, Rituals, Aldo Travel, Fresh Market, McDonald’s, Bright Bakery, Botica di Servicio, CITGO Boulevard, Essoville, Ponton y Sta. Cruz y varios otro compania mas. Bishita funmiles.net pa un lista completo di tur nos partnernan. Fun Miles ta trahando duro pa continuamente ofrece e consumidor Arubiano mas y mas opcion pa ‘stretch’ su florin.
Interesante pa consumidor y compania Meta di Fun Miles ta pa haci compra na companianan cu ta afilia na Fun Miles extra interesante pa e consumidor, ya cu serca nan e consumidor ta ricibi su puntonan. Pa companianan tambe ta masha interesante pa participa na Fun Miles; e ta permiti e compania establece un relacion duradero cu su clientenan. Fun Miles ta activo riba cuater isla y a bin ta demostra su efectividad serca partnernan durante 20 aña.
Esaki ta e momento pa cuminsa cu Fun Miles Esun cu ta desea di probecha di tur e beneficionan di Fun Miles, pero no ta miembro ainda, por haci esaki pa unicamente 5 florin. Por haña e carchi di Fun Miles serca tur compania partner. Unabez bo bira miembro di Fun Miles bo por cuminsa spaar di biaha. Door di registra e carchi online (cual ta facil, liher y gratis) bo lo por cuminsa cambia bo puntonan pa producto y servicionan na bo establecimentonan favorito.