Renaissance Curaçao Resort & Casino a entregá artíkulo di skol

August 10, 2018

 

“Promé ku tur kos nos ta gradisí pueblo di Kòrsou i nos koleganan ku a pone nan skouder bou di e proyekto i a karga e inisiativa aki kolektivamente. Ta huntu só, nos por alkansá resultadonan asina’ki.”, esaki tabata palabranan di sra. Heidi Foendoe, Gerente General di Carnaval Casino.

 

Mas o ménos un luna pasá Renaissance Curaçao Resort & Casino, parti di Wind Creek Hospitality a inisiá nan ‘Back To School Drive’ i durante di e último simannan tras di lomba a bin ta rekoudá artíkulonan di skol pa muchanan di Kolegio Mgr. Willem Ellis.  Total, 180 mucha lo benefisiá di e ‘Back To School Drive. Gerensia di Renaissance Curaçao Resort & Casino ta kontemplá e idea pa hasi esaki otro aña atrobe, pa un otro skol.

 

Komo gratitut Renaissance Curaçao Resort i Carnaval Casino a rifa dos anochi den Renaissance Curaçao Resort komo promé premio- esaki a bai pa Gladys Ridderplaat.  Di dos premio; un sena pa 2 persona ku a bai pa J. Evertsz,  terser premio; un lùnch pa 2 persona ku a bai pa E. Martinez,  di kuater premio; un desayuno pa 2 persona ku a bai pa Gianna de Windt i finalmente un di sinku premio; Carnaval Casino $50 free play cash ku a bai pa Marelva Rimon. Renaissance Curaçao Resort & Carnaval Casino i Wind Creek Hospitality ta gradisí tur empleado, komunidat di Kòrsou i artistanan Ray Lauffer, Juni Juliette, DXBT, Yentje Silvanie i JEON, tambe kanalnan di televishon TVD 13 i TC8  i tur medio di komunikashon pa nan aporte balioso na e ‘Back To School Drive’ di e aña aki.

Share on Facebook
Share on Twitter
Please reload

Featured Posts

Renaissance Aruba retains EarthCheck Gold Certificate

September 24, 2019

1/10
Please reload

Recent Posts
Please reload

Archive