top of page

Estudionan ta revelá ku 9 for di 10 kliente ta rekomendá Digicel



Resientemente Digicel a lansa e kampaña “Biba Mihó ku Digicel”. Esaki a tuma lugá durante un enkuentro ku prensa estilo Happy Hour. E kampaña ta selebrá konfiansa di kliente. Na Digicel nos ta kere ku un konekshon konfiabel ta masha importante i den e era digital ku nos ta bibando, ta esensial pa kumpli ku demanda di kliente. Tur kliente tin un motibu pa kual nan ta rekomendá Digicel na un amigu òf familiar. Digicel ta e provedor ku ta ‘fit’ tur estilo di bida. Sin importá ku bo ta un ama di kas, tata di famia, penshonado, studiante òf empresario- na Digicel nos ta komprometé na un konekshon sólido i lihé. “Nuebe for di dies kliente ta rekomendá Digicel na su amigunan òf famia- esaki ta resultado di estudionan realisá den nos merkado dor di Coyne Research. Un estudio independiente ku ta midi e visibilidat di marka den merkado. “Nos ta masha kontentu ku klientenan ta vosifera ku Digicel ta nan promé opshon i ku nan ta enkantá nos servisio na kliente.” Esaki di akuerdo ku Nadine van der Woude, Marketing Manager di Digicel ABC.

“Nos ta realisá e tipo di estudio aki 1 bes pa aña den tur 27 merkado di Digicel pa nos sigurá ku klientenan ta satisfecho. Ademas di esei, e ta siña nos konosé e klientenan, kiko ta nan nesesidat i kon pa mehorá nos servisio. Pa dos aña konsekutivo nos a keda klasifiká riba e standart di industria i nos ta komprometí pa mantené esaki na benefisio di nos klientenan”.

 

E enkuesta di Coyne ta basá riba midi satisfakshon di kliente, persepshon di balor di marka, i ánimo general di e marka entre usuario, i no-usuarionan. E enkuesta kuantitativo a keda repartí den 3 tanda, durante 1 trimèster.  Digicel a keda premiá na algun okashon ku un ‘speed test award’ pa su konekshon lihé, e Coyne Brand Health Survey ta sostené e konklushonnan aki. Klientenan ta konfirmá ku Digicel tin e mihó servisio i e konekshon di mas lihé na Kòrsou. Hende muhé i hende hòmber for di pabou, pariba i mei-mei ta skohe pa Digicel. Durante di e último añanan Digicel a dirigí hopi esfuerso na krea paketenan atraktivo pa tur hende i pa tur presupuesto. E plannan ku Digicel tin aktualmente ta konta ku favorabilidat di 73% serka kliente, esaki ta nifiká 4 den 5 kliente ta bisa nan ta “satisfecho” òf “hopi satisfecho” ku Digicel.

 

Van der Woude, di Digicel ta komentá, “ Nos ta posishoná di un manera úniko pa inová den henter e spectrum di solushonnan digital awe den presente, pa krea avanse i progreso pa futuro. Nos ta sigui kombiná esfuerso di nos tim lokal, ku teknologia pa krea konekshonnan sólido.  Klientenan ta inkliná pa rekomendá Digicel komo nan provedor faborito i ta skor Digicel ku un 91% pa servisio na kliente. Pa esaki nos ta masha agradesido. Nos enfoke riba solushonnan inovativo ta permití nos desaroyá i alkansá nivelnan haltu den henter e spectrum di telekomunikashon i solushonnan digital.”

Comments


bottom of page