• GR8 GROUP

Celebracion 10 aña Starbucks Renaissance Marketplace


Diahuebs ultimo a celebra cu 10 aña pasa Starbucks a habri su portanan na Renaissance Marketplace y cu for di su apertura te awor e ta un di Aruba su favoritonan! Diariamente hopi ta esunnan cu ta sinta riba e terras pa disfruta di nan bebida favorito- sea friew of cayente- of tene nan reunion parti paden. E personal semper atento di Starbucks ta percura pa tur bebida keda elabora cu e calidad necesario. Sea ta un espresso, un latte, cappuccino of un Flat White- tur bebida ta wordo traha cu pasion dor di baristanan cu tin orguyo den nan trabou. Riba e dia aki a corta bolo cu Samuel Kelly cu tambe a celebra 10 aña como barista na Starbucks Renaissance Marketplace. E celebracion a conta tambe cu animacion di TBS Brassband y un seminario gratis presenta dor di Starbucks su Barista Champion y nominado di AHATA den categoria empleado di aña empresa grandi; Reginald Janga.

Awor cu Pasco ta acerca, ta corda tur cliente riba e diferente ‘mugsnan’, gift certificates i opcionnan di regalo cu Starbucks tin. Ademas, bishita e Starbucks mas serca dibo pa e regalo di Sinterklaas tambe! Riba fotonan adhunto un impresion di e celebracion cu a tuma lugar diahuebs na Renaissance Marketplace!

#Starbucks #RenaissanceAruba #News #Events

© 2017 GR8 PR & Marketing (GPRM). All Rights Reserved.

Disclaimer: GR8 Group PR & Marketing may revise this website any time without prior notice. We are not obliged to update continuously.

Materials appearing on this website may vary from service throughout the years of the agency existence. Logos included are from past and present clients.